Empregamos cookies propias e de terceiros para mellorar a súa experiencia e os nosos servizos, analizando a navegación no noso sitio web. Se continuas navegando, considérase que das o teu consentimento para o seu uso. Pode obter máis información na nosa Política de Cookies
Preguntas frecuentes
Campañas e alertas antirrepresivas
Que son as “Campañas”?
Unha “Campaña” é cada unha das liñas de crowdfunding que se abren coa finalidade de poder financiar un proxecto. Cando se saca unha “Campaña” búscase, ao mesmo tempo, xerar un material breve coa información básica dun proxecto para que quen a impulsa poida difundir o proxecto a través de diversos espazos.
Que son as “Alertas Antirrepresivas”?
As “Alertas Antirrepresivas” é a denominación que reciben cada un dos casos de represión que se abren dentro da Burla Negra, para os que se abre unha liña de crowdfunding coa finalidade de que poidan facer fronte ás sancións que reciben. Cando se saca unha “Alerta Antirrepresiva” búscase, ao mesmo tempo, xerar un material breve coa información básica dun caso para que quen impulsa esa “Alerta Antirrepresiva” poida difundir o caso a través de diversos espazos.
Que pautas ten que ter unha “Campaña” para poder abrila?
As “Campañas” da Pepa Loba deben respectar os principios da Asociación, así como desenvolver proxectos, iniciativas e/ou accións de carácter social, cultural, ecolóxico, científico, educativo ou tecnolóxico; que teñan como base a construción de alternativas e resposta social ao sistema actual e busquen, en último termo, un beneficio para o maior número de persoas.
Fronte a isto, as “Campañas” en ningún caso se abrirán a iniciativas, proxectos e/ou accións que non respecten os seus principios ou que teñan como finalidade o lucro, o proceso de venta de produtos ou servizos, así como tampouco campañas de sorteo, campañas de recadación de fondos para beneficencia, nin tampouco campañas publicitarias ou de “autobombo” (como, por exemplo, as campañas electorais ou campañas comunicativas de captación de socixs).
En todo caso a aceptación definitiva dunha campaña dependerá das persoas que conforman o equipo de Coordinación da Pepa Loba.
Que casos poden solicitar unha “Alerta Antirrepresiva”?
As “Alertas Antirrepresivas” xestionaranse a través da Burla Negra, que é un instrumento especificamente deseñado pola Pepa Loba.
A Burla Negra empregarase para atender aqueles casos nos que haxa persoas vítimas de represión social e/ou política.
En ningún caso se empregarán os fondos para soportar cuestións que non estean relacionadas co activismo.
En todo caso a aceptación definitiva dunha “Alerta Antirrepresiva” dependerá das persoas que conforman o Equipo de Coordinación da Pepa Loba.