Preguntas frecuentes

A Burla Negra é un instrumento da Pepa Loba que funciona como ‘caixa de resistencia e solidariedade’ para que xs activistas poidan facer fronte ás circunstancias adversas derivadas da súa acción.

En ningún caso se empregarán os fondos para soportar cuestións que non estean relacionadas co activismo.

1. Colaborar para que xs activistas poidan sufragar as multas derivadas da súa acción.


2. Construír campañas de denuncia de represión social e política.


3. Servir como ferramenta onde denunciar situacións de represión social e política.

A Burla Negra fica no imaxinario colectivo como un símbolo de liberdade e xustiza, de non sometemento ás normas establecidas en busca do futuro esperado. A Burla Negra foi un barco pirata que asucaba o Atlántico en busca de botín. Aparecía de súpeto de entre a néboa sen que as vítimas notasen a súa presenza ata que xa era demasiado tarde.