Apoia a Nahia, Aina e Sam

Somos un grupo de tres activistas que nos enfrontamos a multas desproporcionadas polo noso activismo climático. Atopámonos en situación de especial vulnerabilidade porque fomos incluides na investigación do "Caso Spora", que nos acusou de "pertenza a unha organización criminal" por participar en protestas non-violentas no pasado baixo as siglas de Futuro Vexetal. Este colectivo non cubrirá as multas que temos por accións que fixemos baixo o seu nome, polo que nos vemos obligades a recadar o diñeiro pola nosa conta.

No caso do ministerio de xustiza, o xuízo celebrouse o 22 de Abril de 2025, dous anos máis tarde que a protesta. Ata entón vímonos atrapades nun proceso moi longo e desgastador, que nos deixou sen enerxía para seguir facendo activismo. Durante o xuízo condenáronnos como autoras responsables dun delito contra o Patrimonio Histórico cunha pena de 3.454,38€ a dividir entre as dúas.

Doutra banda, o próximo 3 de xuño, unha de nós enfróntase a un xuízo sendo acusada dun delito de danos con medios destrutivos. Pídenlle ata 2900 euros por unha protesta en 2022 onde se pegou no Museo Del Prado ao marco da Maja Vestida, para protestar contra a gandería e a súa relación coa subida de temperatura que causa a crise climática.

Sam foi unha das dúas persoas que se pegou ao marco de "As Majas" de Goya no Museo del Prado, o 5 de novembro de 2022, nunha destacada acción non-violenta que non danou ningunha obra de arte. O obxectivo era poñer de manifesto que pasamos o límite de 1.5 °C de seguridade de aumento da temperatura media do planeta, e que non haberá arte nun planeta morto. Por isto pídenlle ata 2900€ de multa. Por esta acción pasou case tres días en calabozos e leva máis de tres anos nun proceso xudicial que pode resultar en multas que non pode pagar, polo que finalmente podería incluso levala a prisión.

Aina e Nahia realizaron xuntas o 13 de abril de 2023 unha acción no ministerio de Xustiza, en Madrid, para denunciar a represión que sufrimos as activistas medioambientais e como desde a xustiza inténtase silenciar a protesta non-violenta nun suposto estado de dereito. Sancionáronas cuns 3.454,39€ de multa por manchar a fachada do ministerio con pintura lavable á auga.

Necesitamos a túa axuda para facer fronte á represión. Non só nos encausan en longos procesos legais, infíltrannos policías e trátannos como a criminais, senón que tamén nos deixan nunha situación precaria con multas desproporcionadas. Todo iso tan só pola nosa desobediencia civil e protesta pacífica fronte á crise climática e ecosocial que ameaza a nosa vida e a de todos os seres do planeta, e fronte á que as institucións non están a actuar.

**Absolución Caso Spora*** son un grupo de máis de 15 activistas pola xustiza climática e ecosocial que están a sufrir unha desmesurada represión por parte do Estado español. Na súa loita polo dereito á vida de todas as persoas, incluíndo as próximas xeracións, e do resto de seres vivos, realizaron accións de protesta contra a acción criminal dos gobernos e grandes empresas ante a crise ecosocial. Actuaron así porque a desobediencia civil non-violenta historicamente demostrou ser fundamental para xerar cambios sociais sen precedentes.

Aínda que fixeron accións con diversos colectivos do ámbito ecoloxista, non representan a ningún deles. O que teñen en común é que foron incluides, en decembro de 2023, no Caso Spora, unha operación policial na cal se as acusa de pertenza a organización criminal por participar en protestas no pasado baixo as siglas de Futuro Vexetal. Este colectivo, a pesar de que as activistas enfróntanse a numerosos procesos xudiciais a día de hoxe, non cubrirá ningunha multa.

Esta foi a súa experiencia, tristemente compartida con muches compañeres de loita que se enfrontan a duros procesos xudiciais con penas de prisión e multas desproporcionadas no Estado español por accións de Rebelión Científica, Rebelión ou Extinción e outros grupos no ámbito ecoloxista; pero tamén doutros ámbitos como as 6 antifascistas de Zaragoza, as 6 sindicalistas da Suíza da CNT, as 3 sindicalistas do SAT, etc. Mostran a súa solidariedade tamén con todes as compañeres sancionades coa lei mordaza por protestar e as perseguides pola infame lei de estranxeiría. Solidarízanse en especial co movemento pola liberación do pobo palestino, que está a ser duramente reprimido para silenciar un xenocidio patrocinado por Europa e Estados Unidos. Ven o seu deber como activistas, de maioría branca e privilexiada, reflexionar sobre o seu rol na loita, cando compañeres de países explotados por Occidente xóganse moito máis cada vez que protestan.