SANCIÓN DE 1700€ POR PROTESTAR CONTRA O COLONIALISMO

A administración do Concello de Granada impúxonos unha sanción de 1700 euros (unha multa 850 euros a cada unha) por considerar unha infracción grave a realización dun acto simbólico enmarcado na campaña "12 de Outubro: Nada Que Celebrar" que non causou ningún tipo de dano.

O 11 de outubro 2021 realizamos un acto de desobediencia civil nonviolento no Estatua de Isabel a Católica e Cristóbal Colón en Granada. A actuación buscaba denunciar o proceso de colonización do continente americano e o exterminio sistemático de vidas e culturas en Abya Yala. A acción consistiu en pegar carteis con cinta adhesiva cos lemas da campaña internacional xunto cunha bandeira Wiphala, así como a realización dunha pintada lavable con auga que representaba mans manchadas de sangue e o lema: 'As veas de América Latina seguen abertas'. Ese día, ao finalizar a acción fomos identificadas pola policía.

Varios meses despois, en xuño 2022, o Concello de Granada sancionounos cunha multa de 850€ a cada unha de nós, por "infracción grave". A pesar de non causar ningún dano, a municipalidade granadina impúxonos unha sanción cunha clara pretensión disuasoria, pois o obxectivo das multas non é reparar os inexistentes danos causados, senón que hai un claro afán de desmobilizar, controlar e criminalizar o exercicio do dereito á protesta pacífica, seguindo a liña marcada dende hai anos no Estado Español coas leis mordaza entre outras.

Buscamos poder acadar os 1.700 euros a través de contribucións persoais que nos permitan afrontar o pagamento de cada unha das dúas multas de 850€ que recibimos para poder seguir actuando. Cremos fondamente que para conseguir construír unha sociedade xusta débese partir dunha concepción solidaria e colectiva na que todxs nos corresponsabilicemos de coidar e apoiar ao resto en todo momento. Entendemos que cada persoa debe exercer e defender os seus dereitos, pero tamén debe actuar sempre na defensa dos dereitos e liberdades dxs demais.

Ademais presentaremos un recurso contra estas inxustas sancións que se interpuxeron contra nós. No caso de conseguir gañar o procedemento, o diñeiro devolto quedaría na caixa de resistencia Burla Negra para facer fronte a futuras sancións.