Absolución do caso Spora

Somos un grupo de máis de 15 activistas que fomos incluides no Caso Spora, unha operación policial na cal se nos acusa de "pertencer a unha organización criminal" por participar en protestas non violentas no pasado con Futuro Vegetal. Enfrontámonos a unha posible condena de 2 a 8 anos de prisión e multas desmesuradas. Destas declaracións, a xudicatura pode decidir sobreseer o caso e absolvernos ou seguir adiante co xuízo.

Moites de nós levamos varios anos realizando accións de desobediencia civil, do mesmo xeito que pasou en moitos lugares de Europa. E igual que aumentaron os colectivos contra a crise climática, nos últimos anos tamén aumentou a represión contra os mesmos.Comezousenos a multar individualmente, despois a finais de 2022 comezaron as detencións polas que pasamos case tres días en calabozos, momento no que comezou a investigación que nos leva a este caso.

Durante todo decembro de 2023 e xaneiro de 2024, a Policía Nacional detivo a 24 persoas por "conformar unha estrutura criminal", que é inexistente. Entre elas estabamos nós. Os arrestos producíronse de forma coordinada e graduada no tempo en Madrid, Barcelona, Murcia, Alacante, Cádiz, Zaragoza, Granada, Valencia, Soria, Santander e San Sebastián.

Desde que empezou a investigación do caso perseguíusenos e fomos acosades polas nosas accións de desobediencia civil. Entre outras cousas, a Brigada Provincial de Información da Policía Nacional seguiunos polas rúas, interveu os nosos dispositivos móbiles, estes últimos meses estivo bloqueando as nosas contas bancarias e, para comunicarnos esta acusación, acudiu aos nosos fogares, onde traballamos ou estudamos e mesmo en plena rúa para deternos e levarnos a comisaría.

Agora vémonos envoltes nun longo proceso legal no cal se nos acusa de algo moi grave, unha acusación baseada na represión xudicial e política simplemente por facer activismo climático. Aínda que sempre fomos conscientes de que a protesta implica moitas veces enfrontarse á represión, a día de hoxe temos medo de ir a prisión e enfrontarnos a multas desproporcionadas. As nosas vidas e as das persoas que nos rodean atópanse en gran medida paralizadas e vémonos nun canellón sen saída.

Queremos lograr a absolución ante os cargos de Organización Criminal, polo que necesitamos recadar fondos para pagar unha defensa durante todo o proceso legal. Estes gastos inclúen a fase de instrución, escrito de defensa e xuízo oral e, ademais, facilidades como desprazamentos aos xulgados onde se nos cita, comida e aloxamento cando sexa necesario, xunto a outros gastos para levar a cabo esta campaña.

Son un grupo de máis de 15 activistas pola xustiza climática e ecosocial que están a sufrir unha desmesurada represión por parte do Estado español. Na súa loita polo dereito á vida de todas as persoas -incluíndo as próximas xeracións- e do resto de seres vivos, realizaron accións de protesta contra a acción criminal dos gobernos e grandes empresas ante a crise ecosocial. Actuaron así porque a desobediencia civil non violenta historicamente demostrou ser fundamental para xerar cambios sociais sen precedentes.

Aínda que fixeron accións con diversos colectivos do ámbito ecoloxista, non representan a ningún deles. O que teñen en común é que foron incluides, a mediados do pasado mes de decembro, no Caso Spora, unha operación policial na cal se lles acusa de pertenza a organización criminal por participar en protestas no pasado con Futuro Vegetal.

Esta foi a súa experiencia, tristemente compartida con moites compañeires de loita que se enfrontan a duros procesos xudiciais con penas de prisión no Estado español por accións de Rebelión Científica, Rebelión ou Extinción e outros grupos no ámbito ecoloxista; pero tamén doutros ámbitos como xs 6 antifascistas de Zaragoza, xs 6 sindicalistas da Suíza da CNT, xs 3 sindicalistas do SAT etc. Mostran a súa solidariedade tamén con todes xs compañeires sancionades coa lei mordaza por protestar e perseguides pola infame lei de estranxeiría. Solidarízanse en especial co movemento pola liberación do pobo palestino, que está a ser duramente reprimido para silenciar un xenocidio patrocinado por Europa e Estados Unidos. Ven o seu deber como activistas, de maioría branca e privilexiada, reflexionar sobre o seu rol na loita, cando compañeires de países explotados por Occidente xóganse moito máis cada vez que protestan.